جامعہ کراچی کا اعلان
— March 3, 2016
کراچی ( اے آ ئی اے ) جامعہ کراچی کے اعلامیہ کے مطابق بی پی ایڈ اور ایم پی ایڈ اکیڈمک سیشن برائے 2015-16ء کے انرولمنٹ فارم جمع کرانے کی تاریخ کا اعلان کردیا گیا ہے جس کے مطابق طلبہ اپنے انرولمنٹ فارم 1500 روپے فیس کے ساتھ 07 مارچ تک جبکہ 1000روپے لیٹ فیس کے ساتھ 18 اپریل تک متعلقہ کالجز میں جمع کراسکتے ہیں۔ جامعہ کراچی کے اعلامیے کے مطابق کالجز کے طلبہ کے لئے بی اے،بی ایس سی اور بی کام سیشن برائے 2015-16 ء کیلئے انرولمنٹ وفیس جمع کرانے کی تاریخ کا اعلان کر دیا گیا ہے۔طلبہ اپنے متعلقہ کالجز میں 1500روپے فیس کے ساتھ30 مارچ تک انرولمنٹ فارم جمع کراسکتے ہیں جبکہ تاریخ گزرنے کے بعد 800 روپے لیٹ فیس کے ساتھ26 اپریل تک انرولمنٹ فارم جمع کرائے جاسکتے ہیں۔ جامعہ کراچی کے اعلامیہ کے مطابق بی ایس ہوم اکنامکس،بی بی اے،بی سی ایس ،بی پی اے،اے ڈی ای، ٹیکسٹائل پروگرام، ماس کمیونیکشن، ایجوکیشن/ ایم اے، بی ایس (آنرز) تھرڈ ایئر، ایم پی اے، بی اے/ ایل ایل بی / بی ایڈ آنرز) اور ایک سالہ پی جی ڈی انشورنس پروگرام کے انرولمنٹ فارم 24 مارچ تک جمع کرائے جاسکتے ہیں۔ جبکہ تاریخ گزرنے کے بعد 1500روپے لیٹ فیس کے ساتھ 25 اپریل تک جمع کرائے جاسکتے ہیں۔ نجی کالجز کے طلبہ ایک سالہ پی جی ڈی انشورنس پروگرام کیلئے 5600روپے، دوسالہ پروگرام کیلئے 7700 روپے، تین سالہ پروگرام کیلئے 10800روپے، چارسالہ پروگرام کیلئے 13900 روپے فیس کے ساتھ اپنے انرولمنٹ فارم متعلقہ کالجز میں جمع کراسکتے ہیں۔